कांदा बाजार भाव आज पुन्हा घसरण

कांदा बाजारभावात पुन्हा घसरण

गेल्या आठवड्यातील बुधवारी प्रतिक्विंटल कमाल २०४० असे दाम हाती टेकवत कांदा उत्पादक शेतकऱ्यांच्या चेहऱ्यावर हसू आणणाऱ्या उन्हाळ कांद्याने एकाच दिवसानंतर घसरणाऱ्या बाजारभावाने शेतकऱ्यांच्या पदरी निराशा टाकली आहे.

 

वृत्तसेवा, येवला

गेल्या आठवड्यातील बुधवारी प्रतिक्विंटल कमाल २०४० असे दाम हाती टेकवत कांदा उत्पादक शेतकऱ्यांच्या चेहऱ्यावर हसू आणणाऱ्या उन्हाळ कांद्याने एकाच दिवसानंतर घसरणाऱ्या बाजारभावाने शेतकऱ्यांच्या पदरी निराशा टाकली आहे. येवला कृषी उत्पन्न बाजार समितीतील कांदा बाजारभाव देखील यास अपवाद नाहीत. येवल्यात गेल्या आठवड्यातील बुधवारच्या तुलनेत या आठवड्यातील सोमवारी उन्हाळ कांदा कमाल बाजारभावात ५८२ तर गुरुवारच्या तुलनेत २६० रुपयांनी घसरण झाली.

येवला कृषी उत्पन्न बाजार समितीच्या येवला मुख्य आवारात सोमवारी (दि.२४) ११ हजार क्विंटल उन्हाळ कांद्याची आवक झाली.त्यास किमान ३०० ते कमाल १४६० (सरासरी ११५०) असा बाजारभाव दिला. येवला बाजार समितीत गेल्या आठवड्यातील बुधवारी (दि.१९) उन्हाळ कांद्याचे दर हे किमान ४०० ते कमाल २०४२ (सरासरी १८५०) असे होते. त्यानंतर गुरुवारी उन्हाळ कांद्यास येथे किमान ३०० ते कमाल १७२० (सरासरी १३५०) असा दर मिळाला होता.

रोपावर फवारले विषारी औषध

मनमाड : येथून जवळ असलेल्या एकवाई येथे कांदा उत्पादक शेतकऱ्याच्या वाढलेल्या कांदा रोपांवर अज्ञात इसमाने विषारी औषध फवारणी करून लाखो रुपयांचे नुकसान केल्याची घटना सोमवारी उघडकीस आली. या प्रकरणी शेतकऱ्याच्या फिर्यादीवरून पोलिसांनी गुन्हा दाखल केला आहे. बाळूमा बेदाडे या शेतकऱ्याने मोठ्या मेहनतीने रोपांवर खर्च केला होता. मात्र वाढलेल्या कांद्याच्या रोपांवर अज्ञात इसमाने रविवारी रात्री विषारी औषधे टाकून चार ते पाच लाखांच्या कांदा रोपाचे नुकसान केले. सोमवारी शेतातील कांद्याची जळालेली रोपे पाहून शेतकरी बेदाडे याना धक्का बसला. त्यांनी तातडीने पोलिसात फिर्याद दिली.

न्यूज बी अनिकेे त कोळी

कॉमेंट लिहा