Unlock 4 : केंद्राची नियमावली जाहीर, ७ सप्टेंबरपासून मेट्रो सेवा सुरू होणार

Unlock 4 : केंद्राची नियमावली जाहीर, ७ सप्टेंबरपासून मेट्रो सेवा सुरू होणार

अनिकेत कोळी| | Updated: 29 Aug 2020, 10:59:00 PM

guidelines for unlock 4 केंद्र सरकारने आज अनलॉक ४ साठी दिशानिर्देश जारी केलेत. हे दिशानिर्देश ३० सप्टेंबरपर्यंत लागू असणार आहेत. केंद्र सरकराने जारी केलेल्या नव्या दिशानिर्देशांनुसार ७ सप्टेंबरपासून मेट्रो सेवा सुरू करण्यात येणार आहे.

 

unlock 4 : केंद्र सरकारच्या मार्गदर्शक सूचना जारी

नवी दिल्लीः केंद्र सरकराने १ सप्टेंबरपासून सुरू होणाऱ्या अनलॉक - 4 साठी नियमावली जाहीर केली आहे. या नव्या नियमावलीनुसार देशातील मेट्रो सेवा सुरू करण्यास केंद्र सरकारने परवानगी दिली आहे. येत्या ७ सप्टेंबरपासून मेट्रो सेवा (metro train services ) सुरू होणार आहेत.

न्यूज By Aniket koli

केंद्र सरकारने जाहीर केलेल्या अनलॉक - 4 च्या नियमावलीत (guidelines for unlock 4 ) महानगरांमधील मेट्रो सेवा सुरू करण्यास परवानगी दिली आहे. नगरविकास मंत्रालय आणि रेल्वे मंत्रालयाशी चर्चा केल्यानंतर मेट्रो सेवा टप्प्याने सुरू करण्यात येणार आहेत. करोना व्हायरसच्या संकटामुळे देशातील मेट्रो सेवा २२ पासून बंद होती.

कंटेन्मेंट झोन वगळता राज्य आणि केंद्र शासित प्रदेश स्थानिक पातळीवर कुठेही (राज्य, जिल्हा, विभाग, शहरं आणि गावं ) लॉकडाउन घोषित करू शकत नाही. राज्यांना आणि केंद्र शासित प्रदेशांना लॉकडाऊन घोषित करायचा असल्यास आधी त्यांनी केंद्र सरकारशी चर्चा करावी, असं केंद्राने दिलेल्या आदेशात स्पष्ट केलं आहे.

करोना संदर्भात केंद्र सरकारने दिलेल्या सर्व नियमांचे पालन काटेकोरपणे झाले पाहिजे. सोशल डिस्टन्सिंग पाळणं गरजेचं आहे. दुकानांमध्ये ग्राहकांदरम्यान सोशल डिस्टन्सिंगचे पालन झाले पाहिजे. मास्त घातलेले पाहिजेत. करोना संबंधी दिलेल्या नियमांचे पालन होते की नाही? याची याचे निरीक्षण केंद्र सरकारकडून करण्यात येत आहे, असं सरकारने स्पष्ट केलंय.

सामाजिक, शैक्षणिक, स्पोर्ट्स, मनोरंज, सांस्कृतिक, धार्मिक, राजकीय आणि इतर कार्यक्रमांना २१ सप्टेंबरपासून परवानगी देण्यात आली आहे. पण त्यासाठी अट आहे. १०० हून अधिक व्यक्ती या कार्यक्रमांमध्ये सहभागी होऊ नयेत, असं केंद्र सरकारने म्हटलं आहे.

यासोबतच २१ सप्टेंबरपासून खुल्या चित्रपटगृहांना उघडण्यास परवानगी दिली गेलीय.

शाळा, कॉलेजेस, शैक्षणिक आणि कोचिंग संस्था बंदच राहतील. राज्य आणि केंद्र शासित प्रदेशांसोबत झालेल्या सखोल चर्चेनंतर हा निर्णय घेण्यात आल्या, नियमावलीत स्पष्ट करण्यात आलं आहे. यामुळे शाळा, कॉलेजेस, शैक्षणिक आणि कोचिंग संस्था ३० सप्टेंबरपर्यंत बंदच राहतील. ऑनलाइन आणि डिस्टन्स शिक्षणाला परवानगी देण्यात आली आहे.

तसंच राज्य आणि केंद्र शासित प्रदेश ऑनलाइन शिक्षण आणि टेलि काउंन्सिलिंगशी संबंधित कामांकरता ५० टक्के शिक्षक आणि शिक्षकेतर कर्मचाऱ्यांना शाळामध्ये बोलवता येईल.